БАЙРАМ ЯҠЫНЛАША

Яңы йыл алдынан Малаяҙ байрамса төҫ ала...Яңы йыл етергә бер айҙан да аҙыраҡ ваҡыт ҡалып бара. Малаяҙ урамдарында байрам кәйефе һиҙелә башланы: биналарҙа, йорттарҙа гирляндалар ҡабына, шыршылар биҙәлә, тәҙрәләрҙә ҡағыҙ ҡар бөртөктәре урын ала. Район мәҙәниәт йорто майҙанына байрамдың төп символы- шыршы килтерелде. Малаяҙ үҙәк дауаханаһы майҙаны ла күҙгә күренерлек булып үҙгәрҙе: унда гирляндалар емелдәп, халыҡҡа байрам кәйефен бүләк итә. Райондың һәр ойошмаһы, учреждениеһы ла үҙ биналарын байрамға әҙерләй.