Ҡышҡылыҡҡа салаттар

Көҙгө уңыштан төрлө салаттар әҙерләп ҡуйһаң, ҡыш буйы аштарыңдың тәмен төрләп рәхәтләнәһең...

Борос салаты

3 кг татлы борос, 300 г кишер, 300 г һуған, 1 стакан һыу, 1 стакан үҫемлек майы, 1 стакан шәкәр, 1 ҡалаҡ 9 процентлы аш һеркәһе, тоҙ алына.

Боросто, һуғанды балдаҡлап, кишерҙе түңәрәкләп турарға ла, тоҙ, шәкәр, май, һеркә, һыу һалып бутап, ҡайнар хәленә еткерергә, 10 – 15 минут бешерергә, стерилләнгән банкаларға һалып, ҡаплап ҡуйырға.

Көҙгө салат

3 кг кәбеҫтә, 2-шәр кг һуған, помидор һәм ҡыяр, 1,5-шәр кг татлы борос менән кишер, 200 г һарымһаҡ; һәр банкаға 2-шәр аш ҡалағы үҫемлек майы, 1-әр аш ҡалағы аш һеркәһе, 1-әр лавр япрағы, тоҙ, борос алына.

Йәшелсәләрҙе ваҡлап турап, яҡшылап болғатырға ла тығыҙ итеп 1 литрлы банкаларға тултырырға, һәр банкаға тоҙ, үҫемлек майы, тәмләткестәр, аш һеркәһе һалырға. Банкаларҙы ярты сәғәт стерилләйҙәр.

Ҡыҙыл салат

1 кг татлы ҡыҙыл борос, 1-әр кг кишер менән һуған, 2 кг помидор, 1,5 стакан үҫемлек майы, 300 г шәкәр, 100 г 9 процентлы аш һеркәһе, 2 аш ҡалағы тоҙ алына.

Боросто һаламлап, һуғанды дүңгәкләп, помидорҙы дүрт өлөшкә бүлеп турайҙар, кишерҙе ҡырғыстан үткәрәләр. Ҡатнашмаға май, шәкәр, аш һеркәһе, тоҙ ҡушып, 20 минут ҡайнатып, стерилләнгән банкаларға тултыралар.

Ҡабаҡтан аджика

Аджика өсөн 3 кг ташҡабаҡ, 500 г кишер, 500 г болғар боросо, 1,5 кг помидор, 5 баш һарымһаҡ, 2,5 ҡалаҡ ваҡланған ҡыҙыл борос, 100 г шәкәр, 2 ҡалаҡ тоҙ, 200 мл шыйыҡ май кәрәк.

Бар ингредиентты ит үткәргестән сығарырға, һалаһы әйберҙәрҙе һалып болғап, 45 минут бешерергә һәм стериль банкаларға тултырып ябып ҡуйырға.

Аджика

1 кг кишер, 1 кг татлы борос, 1 кг алма (антоновка), 4 кг помидор, ярты стакан тоҙ, 2 стакан таҙартылған һарымһаҡ тештәре, 1,5 стакан үҫемлек майы, 2-3 дана әсе борос. Барыһын бергә ит турағыс аша үткәрергә һәм 30-40 минут бешерергә, шунан стериль банкаларға ҡойоп ҡапларға. Һарымһаҡ менән әсе боросто, тәменә ҡарап, күберәк йә аҙыраҡ алырға була.

2-се ысул

5 кг помидор, 1 кг татлы борос, 16 дана әсе борос, 300 г һарымһаҡ, 0,5 кг керән, 1 стакан тоҙ, 2 стакан аш һеркәһе, 2 стакан шәкәр ҡомо алына. Барыһын йыуып, ит турағыс аша үткәрергә (боростарҙы – орлоҡтары менән ҡуша), шәкәр, тоҙ, аш һеркәһе өҫтәргә, 1 сәғәт самаһы ултыртып торорға ла, шешәләргә ҡойоп, ҡапҡастарын ябырға. Бешермәҫкә. Һыуытҡысһыҙ ҙа яҡшы һаҡлана. Был аджиканы керәнһеҙ ҙә эшләргә мөмкин.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Регистрационный номер и дата принятия решения о регистрации: ПИ № ТУ02-01671 от 27 мая 2019 г.

Телефон

8(34777) 2-13-95

Электрон почта

[email protected]

Адресы

452490, Республика Башкортостан,Салаватский район, с. Малояз, ул. Коммунистическая, 56.

Реклама хеҙмәте

8(34777) 2-05-86

Редакция

8(34777) 2-13-95

Ҡабул итеү бүлмәһе

8(34777) 2-13-95

Хеҙмәттәшлек

8(34777) 2-13-95

Кадрҙар бүлеге

8 (34777) 2-08-10