Делегация составында район хакимиәте башлығы Марс Кашапов, район башҡорттары ҡоролтайы рәйесе Көнһылыу Ғәлиева, Салауат Юлаев музейы директоры Зилә Садиҡова, Урмансы ауыл мәҙәниәт йорто директоры, “Етегән” фольклор халыҡ ансамбле етәксеһе Сафуан Сәйетғәлин һәм Лағыр урта мәктәбе уҡытыусыһы Ранис Хәкимов барҙы.
Ҡоролтай эшендә Башҡортостан Башлығын ваҡытлыса башҡарыусы Радий Хәбиров та ҡатнашты. Ҡоролтайҙың пленар өлөшөнән һуң эш һигеҙ секцияла дауам итте. Унда делегаттар сығыштар тыңланы, фекерҙәр алышты. Икенсе көнөндә делегаттар Ишембай районында үткән “Торатау йыйыны”нда ҡатнашты.