Яңы ҡыйыҡ – нығыраҡ һәм сифатлыраҡ

Нәсибаш урта мәктәбе бинаһында тергеҙеү эштәре ҡыҫҡа ваҡыт эсендә башҡарыды. Май байрамдарына тиклем үк белем усағының спорт залы ҡыйығы яңыртып ябылды.#национальныепроекты;#нацпроекты;#региональныепроекты;#регпроекты;#нацпроектыБашкортостан;#ВладимирПутин

Нәсибаш урта мәктәбе бинаһында тергеҙеү эштәре ҡыҫҡа ваҡыт эсендә башҡарыды. Май байрамдарына тиклем үк белем усағының спорт залы ҡыйығы яңыртып ябылды.

Хәтерегеҙгә төшөрәбеҙ, 3 апрелдә көслө ел ауыл мәктәбе бинаһына ҙур ҡаза килтергәйне. Бәхеткә, кешеләр зыян күрмәне. Район хакимиәте башлығы урынбаҫары Рифат Вәлиуллин етәкселегендәге Ғәҙәттән тыш хәлдәр комиссияһы ваҡиға урынында булды. Баҡтиһәң, ун йыл элек эшләнгән ҡыйыҡ ныҡ булмаған икән. Уны Силәбе өлкәһенән подрядсы ойошма эшселәре башҡарған булған.

Емереклекте урындағы шәхси эшҡыуар Әлфиә Сөләймәнованың ире Абдулла Әхмәтшин етәкселегендәге эшселәр бригадаһы шул уҡ көндө йыйыштырып, тәртипкә килтереп ҡуйҙы. Дауыл эҙемтәһе арҡаһында ҡыйыҡтың тимер япмаһы ла, ағас асамайҙары ла яраҡһыҙ хәлгә килгәйне.

Район хакимиәте ярҙамы менән яңынан төҙөлөш материалдары алынды. Малаяҙҙан Урал Ғимаевтың 4 – 5 кешенән торған бригадаһы спорт залы ҡыйығын ябып та бирҙе.

– Бының өсөн район хакимиәте башлығы Марс Кашаповҡа, мәғариф бүлеге начальнигы Нелли Рәхмәтуллинаға, район Советы депутаты Урал Ғимаевҡа рәхмәт белдерәбеҙ, – ти Нәсибаш урта мәктәбе директоры Азат Әхмәтйәнов.

Уның һүҙҙәренсә, тергеҙеү эштәре ҡыҫҡа ваҡыт эсендә башҡарылһа ла, мәктәп бинаһы ҡыйығы сифатлы итеп эшләнгән.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Регистрационный номер и дата принятия решения о регистрации: ПИ № ТУ02-01671 от 27 мая 2019 г.

Телефон

8(34777) 2-13-95

Электрон почта

[email protected]

Адресы

452490, Республика Башкортостан,Салаватский район, с. Малояз, ул. Коммунистическая, 56.

Реклама хеҙмәте

8(34777) 2-05-86

Редакция

8(34777) 2-13-95

Ҡабул итеү бүлмәһе

8(34777) 2-13-95

Хеҙмәттәшлек

8(34777) 2-13-95

Кадрҙар бүлеге

8 (34777) 2-08-10