Кәңәшле эш тарҡалмаҫ

Райондың үҫеш йүнәлештәре, һайлауға әҙерлек, закондарҙың үҙгәреше, урындағы үҙидараны бойомға ашырғанда халыҡты йәлеп итеү һ.б. мәсьәләләр буйынса фекер алышыу булды “Янғантау” шифаханаһында уҙғарылған семинар-кәңәшмәлә.

Райондың үҫеш йүнәлештәре, һайлауға әҙерлек, закондарҙың үҙгәреше, урындағы үҙидараны бойомға ашырғанда халыҡты йәлеп итеү һ.б. мәсьәләләр буйынса фекер алышыу булды “Янғантау” шифаханаһында уҙғарылған семинар-кәңәшмәлә. Район Советы депутаттары һәм ауыл биләмәләре башлыҡтары өсөн ойошторолған ҙур сарала республика етәкселеге, һалым хеҙмәте, контроль-күҙәтеү органдары вәкилдәре ҡатнашты. Семинарҙы район Советы рәйесе Ринат Әбдрәшитов алып барҙы.

Хакимиәт башлығы Марс Кашапов Салауат районының 2030 йылға тиклемге стратегик үҫешенең төп йүнәлештәрен бәйән итте. Иҡтисад өсөн иң ҙур проекттар тип ул “Янғантау” геопаркын һәм Мөрсәлимдә төҙөләсәк ағас эшкәртеү буйынса логистик үҙәкте билдәләне. Киләсәктә шул уҡ Мөрсәлимдә инвесторҙар ярҙамында цемент заводы төҙөлөүе лә, Ишембай ауылында күмәртәләп-ваҡлап һатыу үҙәге асылыуы ла район үҫешенә этәргес көс буласаҡ.

2019 йыл – һайлауҙар йылы. Быйыл 8 сентябрҙә Башҡортостан Башлығын һайлаясаҡбыҙ, шул уҡ көндө ауыл советы депутаттары өсөн дә тауыш бирәсәкбеҙ. БР Үҙәк һайлау комиссияһы рәйесе Хәйҙәр Вәлиев ошо мөһим сәйәси ваҡиғаға әҙерлек тураһында һөйләне.

Ҡаты коммуналь ҡалдыҡтарҙы йыйыу – урындағы власты борсоған иң көнүҙәк мәсьәлә. БР Тәбиғәттән файҙаланыу һәм экология министрлығының Мәсәғүт территориаль комитеты әйҙәүсе белгес-эксперты Илнур Әбғәлимов ошо һорауға асыҡлыҡ индерергә тырышты.

“Башҡортостан Республикаһы муниципаль берәмектәре Советы” Ассоциацияһы башҡарма директоры вазифаһын башҡарыусы Борис Нурисламов үҙидараға ҡағылышлы закондарҙағы үҙгәрештәр, халыҡ менән уртаҡ тел табып эшләү алымдары менән таныштырҙы. Район прокуроры ярҙамсыһы Кирилл Войтюк коррупцияға ҡаршы ҡануниәтте боҙоуҙы иҫкәртеү тураһында сығыш яһаны. Район-ара һалым инспекцияһы начальнигы урынбаҫары Рәшит Әхмәтов урындағы үҙидара органдары менән берлектә ҡаҙнаны тулыландырыу буйынса үҙ-ара эшләү һөҙөмтәһен барланы.

Белеүегеҙсә, һуңғы йылдарҙа районда Урындағы башланғыстарҙы яҡлау программаһы, “Реаль эштәр” һәм “Уңайлы ҡала мөхите” проекттары уңышлы ғәмәлгә ашырыла. Миәшәгәр, Нәсибаш, Салауат ауыл биләмәләре башлыҡтары Рөстәм Сафин, Рәсимә Бикмөхәмәтова һәм Раушания Уральская ошо социаль проекттарҙың бойомға ашырылыуын үҙ миҫалдарында күрһәтте.

Район Советы депутаты Илдар Заһиҙуллин һәм Миәшәгәр ауыл биләмәһе башлығы Рөстәм Сафин – “Башҡортостан Республикаһы муниципаль берәмектәре Советы” Ассоциацияһы Почет грамоталары, район Советы депутаты Илнур Вәлиев һәм Нәсибаш ауыл биләмәһе башлығы Рәсимә Бикмөхәмәтова Салауат район Советының Рәхмәт хаттары менән бүләкләнде.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Регистрационный номер и дата принятия решения о регистрации: ПИ № ТУ02-01671 от 27 мая 2019 г.

Телефон

8(34777) 2-13-95

Электрон почта

[email protected]

Адресы

452490, Республика Башкортостан,Салаватский район, с. Малояз, ул. Коммунистическая, 56.

Реклама хеҙмәте

8(34777) 2-05-86

Редакция

8(34777) 2-13-95

Ҡабул итеү бүлмәһе

8(34777) 2-13-95

Хеҙмәттәшлек

8(34777) 2-13-95

Кадрҙар бүлеге

8 (34777) 2-08-10