Радий ХӘБИРОВ: “Миңә “Янғантау” геопаркы һәм Мәсетле киҫелеше идеяһын йоҡторҙолар!”

Бөгөн Башҡортостан Башлығы вазифаһын ваҡытлыса башҡарыусы Радий Хәбиров Мәсетле киҫелешендә булды. Республика етәксеһе “Янғантау” геопаркы объекты менән танышты, Мәсетле ауылы мәсетенә керҙе. Тулыраҡ - сайтта.

Бөгөн Башҡортостан Башлығы вазифаһын ваҡытлыса башҡарыусы Радий Хәбиров Мәсетле киҫелешендә булды. Республика етәксеһе “Янғантау” геопаркы объекты менән танышты.

“Салауат районы... Миңә “Янғантау” геопаркы һәм Мәсетле киҫелеше идеяһын “йоҡторҙолар”!.. Ғалимдарыбыҙ һүҙҙәренсә – ул көңгөр осоро тарихының идеаль киҫелеше. Ул беҙҙең Башҡортостан геопарктарының “тәүге ҡарлуғасы...” – тип Радий Хәбиров тәьҫораттары менән уртаҡлашты үҙенең социаль селтәрҙәрҙәге сәхифәһендә https://vk.com/radiyhabirov?w=wall413272232_64098%2Fall.

Радий Фәрит улы Мәсетле ауылы мәсетенә лә керҙе. “Бәйләнештә” селтәрендәге “Янғантау” геопаркы Мәсетле киҫелеше” (“Геопарк "Янган-тау" Мечетлинский разрез”) төркөмөндә хәбәр ителеүенсә, унда республика етәксеһенә боронғо хайуандарҙың һәм үҫемлектәрҙең ташҡа һеңгән һындарын күрһәткәндәр. Ул ауыл имамы Ғабит Ғималовтың шәхси һүрәттәр күргәҙмәһен дә ҡараны. Һуңынан Радий Хәбиров мәсет эсендәге этник зал менән дә танышты. Башҡорт милли кейемендәге ауыл ҡатын-ҡыҙҙары йыр-моң, мандолина һәм ҡумыҙ көйҙәре менән хөрмәтләп ҡаршы алды https://vk.com/public166813465?w=wall-166813465_886.

Социаль селтәрҙәр аша мәғлүм булыуынса, Радий Фәрит улы ҡатыны Каринэ Хәбирова менән беҙҙең яҡтарға ял итергә килгән. Был уның Салауат районына рәсми эш сәфәре түгел. Шулай ҙа республика етәксеһенең беҙҙең райондағы Рәсәйҙәге тәүге Геопарк менән яҡындан танышып, ошо проект менән ҡыҙыҡһыныуы районыбыҙҙың киләсәктә был йүнәлеш буйынса үҫешеренә өмөт өҫтәй.

Хәтерегеҙгә төшөрәбеҙ, Башҡортостандың алдағы башлығы Рөстәм Хәмитов та былтыр августа Мәсетле киҫелешендә һәм ауыл мәсетендә булғайны https://iyryzan.rbsmi.ru/articles/geopark-esh-m-khite/r-st-m-kh-mitov-m-setle-ki-eleshend-f-nni-k-t-...

Фотолар – "Бәйләнештә" социаль селтәренән, “Геопарк "Янган-тау" Мечетлинский разрез” төркөмөнән.

Шулай уҡ уҡығыҙ:

Радий Хәбиров төньяҡ-көнсығышта булды https://iyryzan.rbsmi.ru/articles/s-y-s-t/radiy-kh-birov-t-nya-k-nsy-yshta-buldy/

Рөстәм Хәмитов Мәсетле киҫелешендә фәнни үҙәк төҙөләсәген белдерҙе https://iyryzan.rbsmi.ru/articles/geopark-esh-m-khite/r-st-m-kh-mitov-m-setle-ki-eleshend-f-nni-k-t-...

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Регистрационный номер и дата принятия решения о регистрации: ПИ № ТУ02-01671 от 27 мая 2019 г.

Телефон

8(34777) 2-13-95

Электрон почта

[email protected]

Адресы

452490, Республика Башкортостан,Салаватский район, с. Малояз, ул. Коммунистическая, 56.

Реклама хеҙмәте

8(34777) 2-05-86

Редакция

8(34777) 2-13-95

Ҡабул итеү бүлмәһе

8(34777) 2-13-95

Хеҙмәттәшлек

8(34777) 2-13-95

Кадрҙар бүлеге

8 (34777) 2-08-10