Шаҙра тулҡын, түңәрәктәр,
Ҡоштар һымаҡ донъя гиҙеп,
Хан ҡыҙылай күлдәк кейеп,
Болот ҡаплай күктең йөҙөн,
Моңайма, һин, алтын көҙөм,
Һүҙ үтмәгәс, күрмәҫ күҙең.
Һүҙ үтмәгәс, күҙ күрмәгәс,
Ҡалабыҙҙыр өнһөҙ, һүҙһеҙ.
Тиҙ юғала тамыр, милләтең
Ҡалабыҙҙыр һуҡыр, күҙһеҙ.
Сит ерҙә рауза гөл түгелдер
Тыуған ерҙә әрекмән гөлдөр.
Силәбе өлкәһенең Һатҡы ҡалаһы.
Күпте күргән, бирешмәгән,
Тыуған яғын һаҡлап, яҡлап,
Ярайһы уҡ йылдар йәшәгәнмен,
Ярты быуат ғүмер үткәргәм,
Ниңә быйыл килеп йөрәк миңә
Шиғыр яҙ тип, теләк белдергән.
Һәм мин яҙам, күңел түрҙәренә
Килгән хисле матур һүҙҙәрҙе,
Нисә йылдар тағын, яҙырмын һуң
Йөрәгемдән сыҡҡан хистәрҙе?
Яҙыгыҙ тим, һеҙ ҙә шиғырҙарҙы,
Йырлағыҙсы моңло йырҙарҙы,
Ултырығыҙ дуҫтарығыҙ менән
Күңелегеҙ нурға тулғансы.
Ултырығыҙ, һеҙ туғандар менән
Йәмләндереп табын түрҙәрен,
Шул саҡтарҙа ғына тойорһоғоҙ
Йәшәү нисек матур икәнен!
Һинең, минең изге бурысым
Башҡортостан булһа, башҡорт булыр,
Туған телкәйем дә һаҡланыр,
Беҙҙең уңыштарҙы күреп торһа,
Ҡояшым да күпкә шатланыр.
Башҡортостан ҡорос ҡалҡан кеүек,
Һаҡлап торһон телде, динемде,
Күпме көс һалынған ирек өсөн,
Алда бирһен яҡты көнөмдө.
Башҡортостан ере – йырҙар иле,
Ҡеүәт бирһен беҙгә ғорурлыҡ,
Табынмабыҙ яуыз батшаларға
Бер башҡортом меңгә торорлоҡ.
Башҡортостанымды урап үтһен
Тәбиғәттән килгән афәттәр.
Тапмаһындар яңы сәбәптәр.
Мин ышанам яҡты киләсәккә,
Башҡортостан булған, буласаҡ.
Ас ҡоҙғондар, ҡара ҡарғалар
Сүплектәрҙә ятып ҡаласаҡ.
Ҡараш ташлайым мин тауҙарыма,
Күҙ етмәҫлек иркен далаға,
Башҡортостан минең сәскә атып,
Ҡурсалаһын бөтә башҡортто,
Үҙебеҙ ҙә зирәк булыр кәрәк
Ситтәр баҫмаһындар баш йортто.
Дуҫлыҡ хөкөм һөрһөн еребеҙҙә,
Бар милләттәр Алла ҡоло ла –
Күңелдәрҙә шәмдәр һүндермәйек,
Йән төйәгем минең - Башҡортостан,
Республикам минең ырыҫым,
Башҡортостан илен һаҡлап йәшәү,
Һинең, минең изге бурысым.