Бөтә яңылыҡтар
Һөйөнсө!
21 Август 2020, 20:57

МӘКТӘПКӘ ӨР-ЯҢЫ АВТОБУС

Башҡортостан Башлығы Радий Хәбиров бөгөн Өфөлә мәктәптәргә автобустар тапшырҙы.Салауат районынан да бер мәктәп яңы транспорт сараһы алды.

Башҡортостан Башлығы Радий Хәбиров бөгөн Өфөлә мәктәптәргә автобустар тапшырҙы.
19 урынлыҡ “ГАЗель Некст” автобусы Янғантау урта мәктәбенә лә бирелде.
“Бына өр-яңы автобус алып ҡайтып киләбеҙ. Бик уңайлы һәм хәүефһеҙ итеп йыһазландырылған. Уны тәжрибәле шоферыбыҙ Фәрит Абраров йөрөтәсәк,” – тип һөйөнсөләне мәктәп директоры Фирғәт Ғимранов.
Республика ауыл мәктәптәренә бөгөн бөтәһе 38 автобус юлланды. Улар республика мәғариф кәңәшмәһе сиктәрендә баш ҡаланың “Торатау” Конгресс-холы янында тапшырылды. “ГАЗель Некст” автобустары ГЛОНАСС системаһы һәм тахографтар менән йыһазландырылған.
Читайте нас в